إلى ولي الأمر الكريم،

امتحان SAT الديجيتال، مشروح لحضرتك بالعربي

يعني إيه SAT، ابنك هيقعد قدامه قد إيه، بيتصحح إزاي، شكل السؤال عامل إزاي، وإمتى مواعيده لحد آخر 2027. كله في صفحة واحدة، من غير مصطلحات.

  • بالعربي · من غير مصطلحات
  • المواعيد لحد 2027
  • سؤال حقيقي بالشرح
SATGuide

Digital SAT · College Board

  • إنجليزي + رياضيات
  • على لابتوب أو تابلت
  • من 400 لـ 1600

إلى: ولي الأمر الكريم

من: Mr. Mina Nabil

سري للغاية
1

بطاقة امتحان SAT

كل المعلومات المهمة في بطاقة واحدة

بطاقة تعريف الامتحان

Exam ID · SAT

SAT
معتمد ✓

الاسم الكامل

Digital SAT

مين بيعمله؟
College Board (هيئة أمريكية)
بيتعمل فين؟
في مراكز امتحان معتمدة، على لابتوب أو تابلت من خلال برنامج اسمه Bluebook
أجزاؤه
جزءين: Reading & Writing (إنجليزي) و Math (رياضيات)
عدد الأسئلة
98 سؤال: 54 إنجليزي + 44 رياضيات
المدة
ساعتين و14 دقيقة، وفي النص استراحة 10 دقايق
الدرجة
من 400 لـ 1600 (كل جزء من 200 لـ 800)
الإجابة الغلط
مفيهاش خصم. يعني ابنك مايسيبش سؤال فاضي أبدًا
ينفع يتعاد؟
أيوه، ينفع يمتحن أكتر من مرة

احفظ البطاقة دي ✓

2

يوم الامتحان، دقيقة بدقيقة

كل جزء طوله على المسطرة قد وقته بالظبط

  1. الإنجليزي: الجزء الأول

    27 سؤال · 32 دقيقة

    Reading & Writing · Module 1

  2. الإنجليزي: الجزء التاني

    27 سؤال · 32 دقيقة

    Reading & Writing · Module 2

    صعوبته بتتحدد من الجزء الأول

  3. استراحة

    10 دقيقة

    Break

  4. الرياضيات: الجزء الأول

    22 سؤال · 35 دقيقة

    Math · Module 1

  5. الرياضيات: الجزء التاني

    22 سؤال · 35 دقيقة

    Math · Module 2

    صعوبته بتتحدد من الجزء الأول

3

الامتحان بيتصحح إزاي؟

أهم معلومة في الصفحة كلها

الامتحان بيتأقلم مع ابنك

Module 1

الجزء الأول

نفس الأسئلة لكل الطلبة

Module 2 · Harder

لو حل كويس: أصعب

↑ بيفتح الدرجات العالية

Module 2 · Easier

لو لأ: أسهل

↓ سقف الدرجة بينزل

يعني الـ Module الأول هو اللي بيفتح الباب للدرجات العالية!

  1. 1كل جزء في الامتحان (الإنجليزي والرياضيات) متقسّم لقسمين، اسمهم Module.
  2. 2أداء ابنك في الـ Module الأول هو اللي بيحدد شكل التاني: لو حل كويس، التاني بييجي أصعب وبيفتح له الدرجات العالية. ولو لأ، بييجي أسهل وسقف الدرجة بينزل.
  3. 3عشان كده أول 27 سؤال إنجليزي هما أهم أسئلة في اليوم كله.
  4. 4الدرجة النهائية من 400 لـ 1600: الإنجليزي من 200 لـ 800، والرياضيات من 200 لـ 800.

Reading & Writing

200 – 800

+

Math

200 – 800

=

الدرجة الكلية

400 – 1600

4

شكل السؤال، والفخ اللي فيه

سؤال حقيقي من كتابنا، بقلم المدرس الأحمر

Reading and Writing31:12

The ingredients in a traditional Egyptian koshari rice, lentils, pasta, and a spiced tomato sauce topped with fried onions.

1

Which choice completes the text so that it conforms to the conventions of Standard English?

  • Ainclude:TRAP · colon after a verb
  • Binclude;
  • include
  • Dinclude—

الفخ اللي بيقع فيه أغلب الطلبة:

أغلب الطلبة بيختاروا A لأن النقطتين قبل القائمة شكلها صح. لكن الفعل include لازم يكمّل على طول للحاجات اللي بعده، وأي علامة بينهم بتقطع الجملة. الإجابة C: من غير أي علامة.

سؤال من كتاب Blink للـ SAT (الوحدة 2). كل سؤال في Blink معاه شرح زي ده، واسم الفخ اللي فيه.

5

مواعيد امتحان SAT

من College Board الرسمي

2026

  • أكتوبر

    3

    السبت

    آخر تسجيل: 18 سبتمبر

  • نوفمبر

    7

    السبت

    آخر تسجيل: 23 أكتوبر

  • ديسمبر

    5

    السبت

    آخر تسجيل: 20 نوفمبر

2027

  • مارس

    6

    السبت

    آخر تسجيل: 19 فبراير

  • مايو

    1

    السبت

    آخر تسجيل: 16 أبريل

  • يونيو

    5

    السبت

    آخر تسجيل: 21 مايو

  • أغسطس

    28

    السبت

    متوقع
  • سبتمبر

    18

    السبت

    متوقع
  • أكتوبر

    9

    السبت

    متوقع
  • نوفمبر

    6

    السبت

    متوقع
  • ديسمبر

    4

    السبت

    متوقع

المواعيد دي من موقع College Board الرسمي. مواعيد آخر 2027 لسه «متوقعة» عندهم (مكتوب جنبها متوقع)، والتسجيل بيقفل قبل الامتحان بحوالي أسبوعين، وفيه تسجيل متأخر بأيام قليلة بعدها برسوم زيادة.

6

أسئلة الأهالي عن الـ SAT

الأسئلة اللي بتوصلنا على واتساب كل يوم

  • س

    يعني إيه SAT الديجيتال؟

    ج

    هو امتحان SAT الأمريكي اللي بقى يتعمل على لابتوب أو تابلت بدل الورق. فيه جزء إنجليزي (Reading & Writing) وجزء رياضيات (Math)، ومدته ساعتين و14 دقيقة واستراحة 10 دقايق، ودرجته من 400 لـ 1600.

  • س

    الفرق بين SAT و EST إيه؟

    ج

    الاتنين امتحانات لطلبة الدبلومة الأمريكية. الـ SAT أمريكي من College Board ومعروف في جامعات العالم، وبيتعمل على جهاز ويتأقلم مع مستوى الطالب. الـ EST امتحان معتمد لقبول طلبة الدبلومة الأمريكية في مصر وكام دولة عربية، وأجزاؤه ثابتة ومش بتتغير حسب مستوى الطالب. الجامعة اللي ابنك عايزها هي اللي بتحدد تقبل إيه.

  • س

    ابني يقدر يعيد الـ SAT؟

    ج

    أيوه، ينفع يمتحن أكتر من مرة في المواعيد اللي College Board بتعلنها. وجامعات كتير بتاخد أعلى درجة.

  • س

    التسجيل في امتحان SAT بيبقى إزاي؟

    ج

    من موقع College Board الرسمي: ابنك يعمل حساب، ويختار الميعاد ومركز الامتحان، ويدفع الرسوم هناك بالدولار. والرسوم بتتغير، فالرقم الدقيق على موقعهم. Blink مالهاش علاقة بالتسجيل، إحنا بنجهّز ابنك للامتحان نفسه.

  • س

    النتيجة بتظهر إمتى؟

    ج

    على حساب ابنك في College Board بعد الامتحان بأيام قليلة لأسابيع قليلة، وهم بيعلنوا ميعاد النتيجة لكل امتحان.

  • س

    Blink بتجهّز لأنهي جزء في الـ SAT؟

    ج

    لجزء الإنجليزي (Reading & Writing) بس: 26 وحدة بالفيديو والشرح، و427 سؤال، و25 امتحان تجريبي كامل على شاشة شبه شاشة الامتحان (Bluebook). جزء الرياضيات مش عندنا.

  • س

    ابني يبدأ يذاكر قبل الامتحان بقد إيه؟

    ج

    كل ما بدري كل ما أريح. يبدأ باختبار مجاني يعرف منه مستواه وفين أخطاؤه، وبعدها يمشي على خطة أسبوعية لحد يوم الامتحان.

من النهارده، مش من الشهر الجاي:

إزاي ابنك يبدأ يستعد للـ SAT؟

  1. 1

    اختبار الـ 10 دقايق

    10 من أصعب أسئلة الـ SAT، مجانًا ومن غير تسجيل. ابنك يعرف فورًا وقع في أنهي فخ.

  2. 2

    الاختبار التشخيصي الكامل

    زي الامتحان الحقيقي، وبيطلّع خريطة مهارات وخطة مذاكرة.

  3. 3

    خطة لحد يوم الامتحان

    26 وحدة بالترتيب، وكل غلطة بترجع لابنك بعد يوم و3 و7 أيام لحد ما يتقنها.

عند حضرتك سؤال؟ كلّمنا على واتساب

ابنك ممكن يمتحن EST بدل كده؟ اقرأ دليل الـ EST · الفرق بين الامتحانين

المعلومات من المصادر الرسمية (College Board) وكتب Blink. آخر مراجعة: أكتوبر 2026. Blink مش تابعة لأي جهة امتحانات.